De Biasi rinovon me Azerbajxhanin - Gazeta Express
string(33) "de-biasi-rinovon-me-azerbajxhanin"

Sport

Gazeta Express

04/10/2022 18:05

De Biasi rinovon me Azerbajxhanin

Sport

Gazeta Express

04/10/2022 18:05

Giovanni De Biasi do të vazhdojë të jetë përzgjedhës te Kombëtarja A e Azerbajxhanit.

Federata e Futbollit të Azerbajxhanit ka njoftuar këtë të martë për vazhdimin e bashkëpunimit me ish-trajnerin e Kombëtares së Shqipërisë, shkruan Gazeta Express.

Komiteti Ekzekutiv i kësaj Federate ka mbajtur mbledhjen e radhës sot, ku mes tjerash është vendosur që: “Afati i kontratës me kryetrajnerin e kombëtares së Azerbajxhanit, Gianni De Biasi, duhet të vazhdohet edhe për një periudhë kualifikuese”.

66-vjeçari u emërua përzgjedhës te Azerbajxhani në korrik të vitit 2020.

De Biasi së fundi e udhëhoqi ekipin kombëtar të këtij vendi drejt promovimit në Ligën B të Ligës së Kombeve, pasi doli fitues në Grupin 3 të Ligës C me 13 pikë të grumbulluara prej gjashtë ndeshjeve – me bilanc prej katër fitoreve, një barazimi dhe një humbjeje. /Gazeta Express/